अपघातग्रस्तांना मदत करताना काळाचा घाला

अहमदनगर : अपघातग्रस्त ट्रॅक्टरला मदत करणाऱ्यांना एसटीने दिलेल्या धडकेत सहा जणांवर काळाने घाला घातला, एसटीने कार, अपघातग्रस्त ट्रॅक्टरला दिलेली धडक इतकी जोरदार होती की पाच जण जागीच ठार झाले तर तिघे जखमी झाले. एका गंभीर जखमीचा अहमदनगर येथील रुग्णालयात मृत्यू झाला. ही घटना बुधवारी पहाटे तीनच्या सुमारास अहमदनगर- कल्याण महामार्गावरील पारनेर तालुक्यातील ढवळपुरी फाट्याजवळील भनगडे वस्ती शिवारात घडली.

जयवंत रामभाऊ पारथी (वय ४५), संतोष लक्ष्मण पारधी (वय ३५), अशोक चिमा केदार (वय ३५, तिघेही रा. जांबूत, ता. संगमनेर), नीलेशरावसाहेब भोर (वय २५, रा. देसवडे, ता. पारनेर), प्रकाश रावसाहेब थोरात (वय २४, रा. वारणवाडी, ता. पारनेर), सचिन कांतीलाल मंडलेचा (वय ४०, रा. टाकळीमानूर, ता. पाथर्डी) अशी मृतांची नावे आहेत.